30 DE XANEIRO, DÍA DA PAZ E A NON VIOLENCIA

 

  Este ano lembraremos dun xeito especial a  Miguel Hernández, polo centenario do seu nacemento.

Aquí vos deixo un poema seu para lembrar que como dícía M. Gandhi “Non hai camiño para a paz, a paz é o camiño”

Tristes guerras
            Tristes guerras
            si no es amor la empresa.
            Tristes, tristes.
              
            Tristes armas
            si no son las palabras.
            Tristes, tristes.
              
            Tristes hombres
            si no mueren de amores.
            Tristes, tristes.

                                   Miguel Hernández

Aquí  http://www.youtube.com/watch?v=SIrot1Flczg tamén podedes escoitar unha das máis fermosas cancións sobre o mesmo tema, da grande Mercedes Sosa.

 

 

 

CÓMIC GALEGO EN “GALIMATÍAS”

Para os amantes da banda deseñada, contamos na biblioteca con 20 números da  revista Galimatías.

Nela atoparedes historietas en lingua galega coa colaboración dos mellores debuxantes de Galicia, como Fran Bueno, Enma Ríos, Ramón Marcos, Álex Cal ou Macaco. Contén series como “Amor inmortal”, “Hexed. A marca de Lucifer” ou “Vento do norte”.

Neste enlace , ademais das series, atoparedes distintos contidos relacionados co mundo da banda deseñaña, coa aimación e coa música en lingua galega.

RELATO GAÑADOR DO CONCURSO

Xa temos o relato gañador do concurso.  Premendo na imaxe podedes baixalo en formato PDF.

animas_peq

Trátase do texto presentado pola alumna de 1º da ESO A, Carolina Castro Parada..

O xurado decidiu tamén otorgar un acéssit á alumna, tamén de 1º A, Alba Fernández Rodríguez.

Aquí tendes o texto gañador, que, como sabedes, consistía en finalizar un relato que se entregaba aos participantes.

– Ash, que é o que pon? – preguntoulle Roberto, que non entendía nada do que poñía.

– É uolofoe – respondeunos Ash seriamente

A noite transcorreu coma se nada ata a hora de ira cara a cama. Roberto apagou a luz e colleu unha lanterna. Prendeuna e dixo:

– Vou contar un conto de medo. Hai pouco tempo uns nenos ían á biblioteca.

– Pois vaia conto de medo! – dixen eu.

– Cala, que aínda non rematei. Eses  nenos puxéronse a tirar libros, pintalos e arrincarlle páxinas. Pero para a súa desgraza non repararon que as Ánimas da biblioteca os vixiaban. Ó día seguinte, os nenos, volveron pero daquela as ánimas xa estaban alerta. Un neno pintou un libro, e a este case lle costa a vida, xa que unha Ánima tiroulle un libro á cachola, a outro neno tiroulle do cabelo. Os nenos saíron a fume de carozo e non pisaron a biblioteca xamais.

– Tes que mellorar un pouco, xa que a min non me impresiona nadiña a túa historia – dixen eu, pero Ash tremía de medo.

Ó día seguinte, a Ash, xa se lle pasara o medo, xa que dixo:

– Quero ir á biblioteca a coñecer Ánimas.

– Pero as Ánimas non existen, son so imaxinarias – dixen eu.

– Pero eu quero coñecer Ánimas! – protestou Ash.

Entón ocorréuseme unha idea boísima e díxenlla a Roberto ó oído, e gustoulle moitísimo. Despois de almorzar subimos ó faiado, alí atopamos unhas sabas brancas.

– Ash, imos ir á biblioteca – dixen mentres lle chiscaba un ollo a Roberto.

– Ben, vou coñecer Ánimas! – alegrouse Ash.

Cando chegaron á biblioteca, Ash púxose a ollar libros abraiado polo seu contido.

– Ash, imos ó cuarto de baño – díxolle Roberto.

– Ash seguiu mirando o libro e decatouse de que unha Ánima vixiábao. El saíu correndo polo medo que lle entrara de súpeto. Agachouse detrás dunha libraría, pero a Ánima estaba en fronte del. Colleu un libro e atravesouna. Que medo! Ash volveu saír correndo e chocou contra dúas Ánimas e caeu de cur. Cando se levantou decatouse de que as Ánimas éramos Roberto e máis eu e púxose arir e dixo:

– Miúda broma me gastáchedes, pero coma poidéchedes facer para que o libro vos atravesar?

– A nos non nos atravesou ningún libro.

Participación no concurso das Ánimas

Ánimo rapaces!

Vemos que está sendo un éxito o nivel de participación no concurso das Ánimas . Tódolos días estamos recibindo novos traballos na biblioteca.

Pero que pasa cos de 2ºESO??? Tódolos que veñen son de primeiro. Ou é que os de segundo o estades traballando a fondo???  En todo caso, SORTE a todos e todas; creo que llelo ides poñer difícil ao xurado.

BASES DO CONCURSO LITERARIO

tira das animas

AS ÁNIMAS DA BIBLIOTECA

  • PARTICIPANTES: O alumnado de 1º e 2º da ESO
  • TRABALLO: Hai que continuar o relato que se achega co díptico que contén estas bases.
    A extensión máxima é de dous folios A4 manuscritos por unha cara, ou en Word (Letra Arial 12)
  • PRESENTACIÓN: Os traballos entregaranse co presente díptico, sen nome algún, e acompañados dun sobre pechado, que no seu interior levará unha cuartilla cos seguines datos: o nome, apelidos, curso e grupo do autor-a.
  • Entregarase na Biblioteca ó profesor-a de garda, e o prazo será ata o primeiro recreo do venres, 20 de novembro.
  • PREMIO: Premio único de 30 euros por un vale por libros na librería Day da Gándara.
  • O xurado formarano catro docentes que poderán declarar deserto o premio se os traballos non acadan a calidade necesaria.
  • RESOLUCIÓN E ENTREGA DO PREMIO:
    A resolución do xurado publicaranse na páxina Web do Instituto, blogue da Biblioteca e tamén na aula do gañador-a.
  • No mes de Decembro, nunha data que se anunciará previamente, haberá na Bilbioteca unha sesión de lectura do relato premiado, e tamén do texto orixinal.
    calabaza